ಬೆಂಗಳೂರು: ಭಾರತೀಯ ಮಹಿಳಾ ಕ್ರಿಕೆಟ್ ತಂಡ ಹಾಗೂ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ತಂಡದ ಸ್ಟಾರ್ ಆಟಗಾರ್ತಿ, ಕರುನಾಡಿನ ಕುವರಿ ಶ್ರೇಯಂಕಾ ಪಾಟೀಲ್ ಇದೀಗ ಕ್ರೀಡಾಂಗಣದ ಹೊರಗೂ ತಮ್ಮ ಪ್ರತಿಭೆ ಅನಾವರಣ ಮಾಡಿದ್ದಾರೆ. ಸದಾ ತಮ್ಮ ಅತ್ಯುತ್ತಮ ಬೌಲಿಂಗ್ ಹಾಗೂ ಫೀಲ್ಡಿಂಗ್ ಮೂಲಕ ಗಮನ ಸೆಳೆಯುವ ಶ್ರೇಯಂಕಾ, ಇದೀಗ ಟ್ರೆಂಡಿಂಗ್ ಹಾಡಿಗೆ ಭರ್ಜರಿ ಹೆಜ್ಜೆ ಹಾಕುವ ಮೂಲಕ ಅಭಿಮಾನಿಗಳ ಮನಗೆದ್ದಿದ್ದಾರೆ.
ವೈರಲ್ ಆಯ್ತು ಡ್ಯಾನ್ಸ್ ವಿಡಿಯೋ ಶ್ರೇಯಂಕಾ ಪಾಟೀಲ್ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿರುವ ಡ್ಯಾನ್ಸ್ ವಿಡಿಯೋವೊಂದು ಇದೀಗ ಸಖತ್ ವೈರಲ್ ಆಗುತ್ತಿದೆ. ಟ್ರೆಂಡಿಂಗ್ನಲ್ಲಿರುವ ವೈರಲ್ ಹಾಡಿಗೆ ಮಸ್ತ್ ಆಗಿ ಸೊಂಟ ಬಳುಕಿಸಿರುವ ಅವರ ಡ್ಯಾನ್ಸ್ ಮೂವ್ಸ್ ಹಾಗೂ ಎಕ್ಸ್ಪ್ರೆಷನ್ಸ್ ನೋಡಿ ನೆಟ್ಟಿಗರು ಫಿದಾ ಆಗಿದ್ದಾರೆ. ಕ್ರೀಡಾಂಗಣದಲ್ಲಿ ಅಗ್ರೆಸ್ಸಿವ್ ಆಗಿ ಕಾಣಿಸಿಕೊಳ್ಳುವ ಶ್ರೇಯಂಕಾ, ಡ್ಯಾನ್ಸ್ ಮಾಡುವಾಗ ಅಷ್ಟೇ ಬಿಂದಾಸ್ ಆಗಿ ಕ್ಯಾಮೆರಾಗೆ ಪೋಸ್ ನೀಡಿದ್ದಾರೆ.
ಕ್ರಿಕೆಟರ್ ಕಮ್ ಬೆಸ್ಟ್ ಡ್ಯಾನ್ಸರ್! ಸೋಷಿಯಲ್ ಮೀಡಿಯಾದಲ್ಲಿ ಸದಾ ಆಕ್ಟಿವ್ ಆಗಿರುವ ಶ್ರೇಯಂಕಾ, ತಮ್ಮ ಆಟದ ವಿಡಿಯೋಗಳ ಜೊತೆಗೆ ಜಿಮ್, ವರ್ಕೌಟ್ ಹಾಗೂ ಫ್ಯಾಮಿಲಿ ಜೊತೆಗಿನ ಫೋಟೊಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ. ಆದರೆ, ಈ ಬಾರಿ ಅವರು ಹಂಚಿಕೊಂಡಿರುವ ಡ್ಯಾನ್ಸ್ ರೀಲ್ ಅವರಲ್ಲಿರುವ ಇನ್ನೊಂದು ಕಲೆಯನ್ನು ಪ್ರೇಕ್ಷಕರ ಮುಂದಿಟ್ಟಿದೆ. ಈ ವಿಡಿಯೋಗೆ ಕಮೆಂಟ್ ಮಾಡಿರುವ ಅಭಿಮಾನಿಗಳು, “ಶ್ರೇಯಂಕಾ ಕೇವಲ ಬೆಸ್ಟ್ ಕ್ರಿಕೆಟರ್ ಮಾತ್ರವಲ್ಲ, ಅತ್ಯುತ್ತಮ ಡ್ಯಾನ್ಸರ್ ಕೂಡ ಹೌದು” ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಮಹಿಳಾ ಪ್ರೀಮಿಯರ್ ಲೀಗ್ (WPL) ಟೂರ್ನಿಯಲ್ಲಿ ಆರ್ಸಿಬಿ ಪರ ಅದ್ಭುತ ಪ್ರದರ್ಶನ ನೀಡಿ, ತಂಡದ ಗೆಲುವಿನ ರೂವಾರಿಯಾಗಿದ್ದ ಶ್ರೇಯಂಕಾ, ಟೀಮ್ ಇಂಡಿಯಾ ಪರವೂ ಹಲವು ಸರಣಿಗಳಲ್ಲಿ ಮಿಂಚಿದ್ದಾರೆ. ಏಷ್ಯಾ ಕಪ್ ಹಾಗೂ ವಿಶ್ವಕಪ್ ನಂತಹ ಟೂರ್ನಿಗಳಲ್ಲೂ ಭರವಸೆಯ ಆಟಗಾರ್ತಿಯಾಗಿ ಗುರುತಿಸಿಕೊಂಡಿರುವ ಅವರು, ಇದೀಗ ತಮ್ಮ ಬಿಂದಾಸ್ ಡ್ಯಾನ್ಸ್ ವಿಡಿಯೋ ಮೂಲಕ ಇಂಟರ್ನೆಟ್ನಲ್ಲಿ ಹೊಸ ಸೆನ್ಸೇಷನ್ ಸೃಷ್ಟಿಸಿದ್ದಾರೆ.