ರೈಲು ನಿಲ್ದಾಣದ ಸೇತುವೆ ಕುಸಿದು ಮಹಿಳೆ ಸಾವು!

ರೈಲು ನಿಲ್ದಾಣದ ಮೇಲ್ವೇತುವೆಯ ಸ್ಲಾಬ್‌ಗಳು ಬಿದ್ದ ಪರಿಣಾಮ ಮಹಿಳೆಯೊಬ್ಬರು ಮೃತಪಟ್ಟಿದ್ದು, ನಾಲ್ವರು ಗಂಭೀರವಾಗಿ ಗಾಯಗೊಂಡಿರುವ ಘಟನೆ ಮಹಾರಾಷ್ಟ್ರದ ಚಂದ್ರಾಪುರದಲ್ಲಿ ನಡೆದಿದೆ.
ನಿನ್ನೆ ಸಂಜೆ ಸರಿಯಾಗಿ 5.10ಕ್ಕೆ ಮಹಾರಾಷ್ಟ್ರದ ಚಂದ್ರಾಪುರ ವ್ಯಾಪ್ತಿಯ ಬಲ್ಹರ್‌ಶಾ ರೈಲ್ವೇ ನಿಲ್ದಾಣದ ಮೇಲ್ವೇತುವೆ ಹೊದಿಸಲಾಗಿದ್ದ ಸ್ಲಾಬ್‌ಗಳು ಹಠಾತ್ತನೇ ಕುಸಿದುಬಿದ್ದಿವೆ. ಈ ಘಟನೆಯಲ್ಲಿ 48 ವರ್ಷದ ಮಹಿಳೆಯೊಬ್ಬರು ಮೃತಪಟ್ಟಿದ್ದಾರೆ. ಜತೆಗೆ ನಾಲ್ವರು ಗಂಭೀರವಾಗಿ ಗಾಯಗೊಂಡಿದ್ದು, ಆಸ್ಪತ್ರೆಗೆ ದಾಖಲಿಸಲಾಗಿದೆ. ಈ ನಡುವೆ ರೈಲ್ವೇ ಇಲಾಖೆಯು ಮೃತಪಟ್ಟವರಿಗೆ 1 ಲಕ್ಷ, ಗಾಯಗೊಂಡವರಿಗೆ 50 ಸಾವಿರ ಪರಿಹಾರ ಘೋಷಿಸಿದ್ದು, ಇದು ಅತ್ಯಂತ ಅಗ್ಗದ ಪರಿಹಾರವೆಂಬ ಟೀಕೆಗೆ ಕಾರಣವಾಗಿದೆ ಎಂದು ANI ಸುದ್ದಿ ಸಂಸ್ಥೆ ವರದಿ ಮಾಡಿದೆ.