ತುಮಕೂರು: ಯುವ ಜನತಾದಳದ ರಾಜ್ಯಾಧ್ಯಕ್ಷ ನಿಖಿಲ್ ಕುಮಾರಸ್ವಾಮಿ ಅವರು ʼನಾನು ಎಲ್ಲಿ ಸ್ಪರ್ಧೆ ಮಾಡಬೇಕೆಂದು ತೀರ್ಮಾನವಾಗುತ್ತದೆಯೋ ಅಲ್ಲಿ ಕಾಣದ ಕೈಗಳು ಕೆಲಸ ಶುರು ಮಾಡುತ್ತವೆʼ ಎಂಬ ಹೇಳಿಕೆಯು ರಾಜಕೀಯ ವಲಯದಲ್ಲಿ ಭಾರೀ ಕುತೂಹಲವನ್ನ ಮೂಡಿಸಿದೆ.
ನಿಕಿಲ್ ಕುಮಾರಸ್ವಾಮಿಯವರ ಈ ಹೇಳಿಕೆಯು ಕೇವಲ ವಿರೋಧ ಪಕ್ಷಗಳ (ಕಾಂಗ್ರೆಸ್ ಅಥವಾ ಬಿಜೆಪಿ) ವಿರುದ್ಧ ಮಾತ್ರವಲ್ಲದೆ, ಸ್ವಪಕ್ಷ ಅಥವಾ ಮೈತ್ರಿಕೂಟದ ಒಳಗಿನ ಕೆಲವು ಶಕ್ತಿಗಳ ವಿರುದ್ಧವೂ ಇರುವಂತೆ ಕಾಣುತ್ತಿದೆ. ತಮಗೆ ಟಿಕೆಟ್ ಸಿಗದಂತೆ ಅಥವಾ ಸ್ಪರ್ಧಿಸಿದರೆ ಗೆಲ್ಲದಂತೆ ತಡೆಯಲು ಕೆಲವು ಪ್ರಭಾವಿ ವ್ಯಕ್ತಿಗಳು ತೆರೆಮರೆಯಲ್ಲಿ ಸಂಚು ರೂಪಿಸುತ್ತಿದ್ದಾರೆ ಎಂಬುದು ಅವರ ಆತಂಕ.
ಕಳೆದ ವಿಧಾನಸಭಾ ಚುನಾವಣೆ (ರಾಮನಗರ) ಮತ್ತು ಲೋಕಸಭಾ ಚುನಾವಣೆ (ಮಂಡ್ಯ) ಎರಡರಲ್ಲೂ ನಿಖಿಲ್ ಸೋಲು ಅನುಭವಿಸಿದ್ದರು. ಈ ಸೋಲುಗಳಿಗೆ ವಿರೋಧ ಪಕ್ಷಗಳಿಗಿಂತ ಹೆಚ್ಚಾಗಿ “ಒಳಸಂಚು” ಮತ್ತು “ಅಪಪ್ರಚಾರ” ಕಾರಣ ಎಂಬ ಭಾವನೆ ಅವರಲ್ಲಿದೆ. ಆ ಇತಿಹಾಸ ಮರುಕಳಿಸದಂತೆ ಎಚ್ಚರಿಕೆ ನೀಡಲು ಅವರು ಈ ಮಾತು ಹೇಳಿದ್ದಾರೆ.
“ಕಾಣದ ಕೈಗಳು” ಎಂಬ ಪದ ಬಳಸುವ ಮೂಲಕ ತಾವು ರಾಜಕೀಯ ಪಿತೂರಿಗೆ ಬಲಿಯಾಗುತ್ತಿದ್ದೇನೆ ಎಂಬ ಸಂದೇಶ ರವಾನಿಸಿ, ಮತದಾರರಲ್ಲಿ ಮತ್ತು ಕಾರ್ಯಕರ್ತರಲ್ಲಿ ಅನುಕಂಪ ಗಳಿಸುವ ತಂತ್ರ ಇದಾಗಿರಬಹುದು ಎನ್ನಲಾಗಿದೆ.
ಮುಂಬರುವ ಉಪಚುನಾವಣೆ ಅಥವಾ ಮುಂದಿನ ಯಾವುದೇ ಸ್ಪರ್ಧೆಗೆ ಕ್ಷೇತ್ರ ಆಯ್ಕೆ ಮಾಡುವಾಗ ತಮಗೆ ಎದುರಾಗುವ ಅಡೆತಡೆಗಳನ್ನು ಮೊದಲೇ ಗ್ರಹಿಸಿರುವ ಅವರು, ವರಿಷ್ಠರಿಗೆ ಮತ್ತು ವಿರೋಧಿಗಳಿಗೆ ಮುನ್ನೆಚ್ಚರಿಕೆ ನೀಡಿದ್ದಾರೆ.